BATANYO NIAT NOSA

BATANYO NIAT NOSA.

MANOLAH DATUAK................

SUNGGUAH DI IMBAU DATUAK SURANG

TAGAK DEK PAHAM JO ULEMU

LURUH TUJUAN TONTANG ALUA.

TAGAK DEK SOMBAH NAN MANDATANGS

AMO RATO BAK MAMBIRUN

AN SAMO BASAH BAK BA SIMBUA..

NINIAK MAMAK JO IBU BAPOT,

UNGGANAI RUMAH NAN GODANG

RANG SI POKOK NAN BASAMO

NAN MANJADI UREK TUNGGANG.

SOMBAH JO SALAM BOKEH DATUAK

BARISAN ADAT NAN KITO PAKAI

LAH MARINTANG DATUAK DUDUAK

DEK GODANG NIAT KAMI DATANG.

GABAK DI ULU TANDO KA UJAN

CEWANG DI LANGIK TANDO KA PANEH

KOK MANGANDUANG NIAT NOSA

ELOKLAH DATUAK RONTANG PANJANG .

ITUNYO UNTUAK KA DI TARIAK

RUNDIANG SAPOKAT DARI KAMI

KAMBANG DEK DATUAK NAKNYO LEBA

DATUAK NAN MANARUAH BIJO BAYIAK

ELOK SERAK AN KOTU KINI

KUTIKO TANAH SODANG LOMBOK

SAKIAN SAJO DARI AMBO ,MAK OLUN PULANG PADO DATUAK.

=======

NIAT NOSA

=========

MANOLAH DATUAK..........

TALAWAK RUNDIANG DATUAK CAKO

KATO DI LOTAK JO UKURAN

ANYUK NAK TONTU  MUARONYO

TALAMBEK RUNDIANG BABALIAKKAN.

TAGAK DEK ADAT NAN BAPAKAI

KARO DI BAOK KA MUJILIH

LAI NDAK TINGGA DI BANGKALAI

RUNDIANG TAK ABIH DALAM JONJI.

AMPUN MAAF SALAM DI ANJUANG

LALAI LAMBEK KOK BASUO

BAK ONGGANG TOBANG KA GUNUANG

LAMO LAMBEK SAMPAI JUO.

SAWAJAH RUNDIANG DATUAK CAKO

DIDALAM JANGKO NAN SALAPAN

DI ULANG RASO TAK KAH BAGUNO

BAK SANTANO MANAMBAH AYIA KA LAUTAN.

BA SOBAB KITO DUDUAK BASAMO

DI DALAM MUJILIH NAN KITO BUEK

IYO MANGANDUANG NIAT NOSA

DONGA DEK DATUAK NAN ISINYO.

LIMBAGO NIAT NAK BA PUHUN

KATO BA ASA HO BA MULO

NIAT TASIMPAN LAH BA TAUN

KINI DI KOMBANG NAKNYO NYATO.

POHAM BABISIAK DALAM BATIN

BUDI MANUNGGU KA ULEMU

PADO TALIPEK NAN BAK KIAN

RANCAK DI GUNTIANG JADI BAJU.

KOK INDAK BONA DI BONTANGKAN

DATUAK KAN OLAH TAU JUO

ULEMU OLAH SAMO KITO KANDUANG.

MULO SUMUA KA DI GALI

RANTIANG KA DI PATAH

DI BALIAK ILALANG NAN SA OLAI

TALINTANG  PARIK PARUNTUNGAN

DI LEMBAI LEMBAI SUDUK MATO

KONAI KA COPUAK MULUK MANIH

AYIA NAN TONANG MA ANYUK AN.

BAMULO PATUANG POI KA SAWAH

AYIA GODANG MAROMPAK TOBIANG

RUNTUAH DEK OMBAK RAGAM DUNIA

ANYUK DEK RIAK KASIAH SAYANG.

UNTUANG LAH BAK UNTUANG SABUK

ANYUK NAN TAMBAH JAUAH JUO

TIOK TOLUAK TOMPEK BALIKU

TIOK TANJUANG MA IKEK JONJI.

DEK UJUK BANAMO YAKIN

DI TALUAK LABUAN CINTO

TAMPAK MUARO NIAT SAMPAI

IKOLAH JINIH JO RUPONYO.

IKAN DI LAUK AYIA ASIN

ASAM DI GUNUANG NAN MANCINTO

DEK UJUK BANAMO YAKIN

DALAM BALANGO BATOMU JUO.

TIGO BULAN DI RAHIM IBU

ELOK BURUAK KAH TA JOLI.

MALANG MUJUA LAH TONTU

DI DUNIA HUTANG MANOPOK I

PUTIAH KAPEH DAPEK DI LIEK

BONANG LAH NOMUAH JADI KAIN

KINI DEK TUKANG BASUDAHI

GABAK DI ULU NAN SA ISUAK

GAMBARAN DONDAM JO BINGKALAI

LIPUA DEK CEWANG NAN DI LANGIK

LUKUSAN NIAT CITO SAMPAI.

SALOSAI IJAB JO KABUA

DI MUKO SISI NAN BADUO

DIMUKO URANG NAN MUKMIN

MANJADI WALI NAN BAUTANG.

HUTANG NAN DUO PARKARONYO

HUTANG DUNIA JO AKHIRAT

HUTANG DUNIA ADAT NAN KEWI

BACUPAK JO NAN BA GANTANG.

HUTANG AKHIRAT SYARAK NAN LAZIM

NAN BA HADIS JO BA DOLIA

BASNDI KA KITAB BULLAH

BAGANTYANG KA RUKUN IMAN

BATIANG KA SUMBAYANG.

ASA DI IKUK SUNNAH NOBI

SAIRIANG IMAN JO TAAT

DI DUNIA PUNTAK BABORI

NAK TORANG JALAN KA AKHIRAT

SIKIN NAN DARI BOSI BAYIAK

BALAMPE  BA GOBUK PULO

PUNTIANG NAN SAIYO JO SOLUK

LOKEK KA ULU DEK IMBALAU

TAJAM LAH BULIAH DI CUCUAK AN

KA UNGKAI RASO TAK MUNGKIN

ONTAH KOK URAK DEK URANG NAN PUNYO.

SANIAT KITO DALAM BATIN.

DOA JA TUHAN DI POHONKAN

KOK BULIAH PINTAK DEK ALLOH

BALAKU KONDAK DEK NOBI

UNTUANG BAK TANGGUAK JO BINGKAINYO

KASIAH BAK TIANG JO SINDINYO

HANCUA TANGGUAK LULUAHLAH BINGKAI

LAPUAK TUANG CAYIE LAH SONDI

SAMO BATUDUANG ATIK JUO.

MAMAKAI DOBA JO RILLA

ASA HAN SUMBIANG MALUWAK I

KASIAH BAK ADAM JO HAWA

BAK KABUK JO FUNUANG TINGGI.

NAN MALAMBUANG MANARUKO

NAN BAKOBAU BATARONAK

BALASAN LOTIAH JO USAHO

MARUNDUAK PADO NAN MASAK.

BAYIAK NAN DALAM PANDIDIK AN

NAN BARAJA PAGI POTANG

DAPEK PATUNJUAK DAEI ALLOH

UNTUAK PAWARIAH MADO DATANG.

TONTANG DUNSANAK NAN DI RANTAU

DAGANG NAN SANSAI JO UNTUANGNYO

NAN DI LUA MINANG KABAU

JAUAH DI MATO NAN DUOKO.

TUBUAH SIHAT BADAN SALOSAI

UMUA PANJANG RASOKI MURAH

PINTAK BULIAH MUKOSUK SAMPAI

AMALAN BATAMBAH TAMBAH.

.TONTANG ARWAH URANG TUO KITO

NAN MANCONCANG LATIAH  PUSOKO KITO

DARI AWA SAMPAI KINI ,SAJAK NAGORI BATARUKO

KOK SOMPIK DAPEK KALAPANGAN, KOLAAM DAPEK TORANG

ANGEK DAPEK KA SOJUAK AN.

BAROKAT DO A NA KITO BACO.

MANJADI PINTAK PINTO JUO

PADI DI SAWAH NAN KA TOBIK

TA PAMPEH LORIAH JO USAHO

JAUAH LAH BALA JO PANYAKIK.

ITU NAN JADI NIAT NOSA

KOK KOLURANG DATUAKLAH KA NAN MANUKUAK

BABACI DU A NAN SAPATAH

MAK OLUN PULAH PADO DATUAK.

http://www.google.com